Жинақ заманауи құқықтық ғылымның іргелі мәселелерінің бірі - азаматтық құқық пен кәсіпкерлік құқықтың арақатынасын зерттеуге арналған. Кітап аттас халықаралық ғылыми-практикалық конференция материалдары негізінде дайындалған.
Жинаққа Германия, Ресей, Грузия, Украина, Өзбекстан, Тәжікстан, Қырғызстан, Әзірбайжан, Молдова және Қазақстаннан келген жетекші ғалымдардың, практикалық заңгерлердің, құқық қорғау органдары өкілдерінің, сондай-ақ аспиранттар мен ізденушілердің конференциядағы ғылыми баяндамалары мен сөз сөйлеулері енгізілген.
Бұл басылым «Орталық Азия елдеріндегі құқықтық мемлекеттілікке жәрдемдесу» (GIZ) Бағдарламасының қаржылық қолдауымен жарияланды. «Deutsche Gesellschaft für Internationale Zusammenarbeit (GIZ) GmbH» (Халықаралық ынтымақтастық жөніндегі герман қоғамы) бұл бағдарламаны Германияның Экономикалық ынтымақтастық және даму федералдық министрлігінің (BMZ) тапсырмасы бойынша жүзеге асырады.